إنطلاقة الشخابيط ... ومناسبة فى الجووووون

سوووون خلاااااص جينالكم اهوووووووو

اكيد طبعا انتو زينا منتظرون احنا قولنا لازما

وحتما ولابد نجيلكم فى مناسبة تكون فى الجووووون

ااااه طبعا امال ايه جينلكم مع العيد القومي للسويفيون

النهاردة العيد القومي لمحافظتنا وليه بالذات فى يوم 15 مارس بيحتفلون

لانه ذكرى المظاهرة الكبرى ضد الانجليز عام1919

وبالمناسبة دي السوايفة يعلنون

الاول اتفضلو المشروبات والناس اللي كانت مستنية القرفة واليانسون

اليووووم وفى عيدنا القومي المزعوم السوايفة يتشرفون بانطلاق اول

مدونة تجمع كل المدونين واهل الصحافة السويفيون

وطبعا بزيارتكم لينا هاتكمل فرحتنا بالحدث وباليوم

وللي مايعرفش عن محافظتنا بني سويف اوعى يستعجل ويقوم

لازم نديكم نبذة عنها ولو بسيطة وبعد كدا ان شاء الله

كله هايكمل ويبقى تمام فى ابوابنا اللي ان شاء الله معاكم هاتدوم

نبدء الاول معاكم بشعار المحافظة اللي ممكن تشوفه ولو حتى فى التلفزيون

يتوسطه صورة هرم ميدوم وهو بيمثل حضارة اقليم بني سويف واللي بترجع

الى الاسرة الرابعة الفرعونية 2670 ق م كرمز للماضي وتمثل السنبلة النشاط الزراعي

للمحافظة وكمان المدخنة زي ماحضرتكم شايفين بتمثل النشاط الصناعي للمحافظة

كرمز للحاضر واخيرا امواج النيل فى اخر الشعار تمثل كوبري بني سويف اللي بيصل

بين ضفتي المحافظة ودا كرمز للمستقبل وبكدا بيعبر الشعار عن

الماضي والحاضر وكمان المستقبل

ها دي كدا اول حاجة لازم تعرفوها عن شعار مملكة السويفيون

اوعوا تكونوا زقهتوا لااااا مافيناش بئا من كدا امال ايه لازمة الينسون

هانكلمكم دلوقتي بس عن لمحة بسيطة عن المحافظة وموقعها على خريطة اليوم

محافظتنا بئا بتتبع شمال الصعيد على حسب التخطيطات الاقليمية

وزي ماهتلاحظه ع الخريطة شمالها محافظة الجيزة القاهرية

وكمان على جنوبها محافظة المنيا الصعيدية

وشرقها محافظتي البحر الاحمر والسويس الساحلية

واخيرا غربها هانلاقي محافظة الفيوم السياحية

اما عن المساحة فاهي 7169 كم2 مساحة المحافظة الكلية

و 2.69% سنويا دا معدل الزيادة السكانية

وبتتكون كمان من 7 مراكز ادارية

سبع مدن و 38 وحدة محلية قروية دا غير 220 قرية فرعية

نيجي بئا للناحية التعليمية فى المحافظة 10 كليات اساسية

تابعة لجامعة بني سويف المستقلة خلو بالكم من الحتة ديا

كمان كلية للتعليم الصناعي ومعاهد فنية سواء بئا صناعية او تجارية

في كمان كلية تابعة لجامعة الازهر وهي كلية الدراسات الاسلامية

نيجي بئا بعد كدا هاتلاقو عندنا محطة للبحوث الزراعية

وعندنا 7 مراكز تدريب مهنية وبيبلغ عدد فصول التعليم الجامعي 12264 فصل

للتعليم العام بما ان الجامعة حكومية

منها فى القطاع الريفي 6107 فصل بنسبة 66.5 فى المية

و 666 فصل للتعليم بالمدارس الازهرية

في منها فى القطاع الريفي 390 فصل بنسبة 53 فى المية

وفى النهاية اخر معلومة النهاردة هي ان 264451 فدان هي المساحة الزراعية

ها ياترى حد زهق ولا كله تمام عموما هانكتفي معاكم بكدا

وان شاء الله فى بوستاتنا الجاية هانفصل اكتر علشان كله يتابع لقدام

هانتلكم عن نشاط المحافظة الزراعي والصناعي وعن مراكزها

وعن اثارها واهميتها السياحية وازاي توصلولها كمان

مش بس كدا ان شاء الله هايكون عندنا ابواب متعددة وشاملة

للي يخطر على بالكم واللي مايخطرش كمان

يلا بئا كل سنة والسوايفة طيبين

وبيحتفلو بعيدهم القومي معاكم على شخابيط مدونتنا الجماعية

اللي هاتكون معاكم ان شاء الله فى كل وقت وكل مكان