ياويلــــــكم ياويلـــــــكم

من هنا من الاراضي السويفية

نحييكم نحن اهل شخابيط سويفية

والنهاردة جايين نقولكم ان معانا ان شاء الله

كل الاماكن هاتكون مكشوفة مش مدارية

يعني مش هاتتوهه عندنا ولا هاتقوله مش جايين تاني البلد ديا

هانقولكم بالتفصيل الطريق من اول موقفنا لحد اي مصلحة حكومية

مش بس كدا حتى كمان الاماكن العمومية

كل اللي عليكم بس تتبعو الخطوات وسيبو الباقي على الله ثم عليا

وزي مابيقوله اللي يسال مايتوهش ياافندية

ركزو بئا معايا وصححو كدا وكله ان شاء الله هايبقى مية مية

اولا في حبة حاجات اساسية

اول حاجة وهما السبع مراكز بالترتيب الوسطى وناصر (بوش)

وبني سويف واهناسيا المدينة وببا وسمسطا والفشن

هما دول مراكز بني سويف الاساسية

وخلي بالك علشان بعد كدا هاتلاقي نفسك داخل على محافظة غير ديا

تاني حاجة اكيد طبعا هاتجيلنا راكب عربية

اما بئا لو جايلنا فى قطر خليك عندك لحد مانجيلك فى بوستاتنا الجاية

:) لو توهت بئا احنا ماعليناش مسؤلية

اللي جايلنا بئا فى عربية عندك فى الطريق قبل المحافظة اتنين من مراكزنا الاساسية

الوسطى وبعدين ناصر الشهيرة ببوش ركزو معايا بئا فى الحتة ديا

بعد كدا هاتدخلو على المحافظة الرئيسية

وفيها موقف محي الدين هو المحطة الاخيرة والنهائية

ومنه ان شاء الله هاتلاقي عربيات كل المراكز اللي قولنا عليها من شوية

مش بس كدا لا وعربيات لبعض المحافظات التانية

وكمان هاتلاقي سرافيس تنقلك داخل المحافظة لاي مكان

مهما كان بيت او هيئة او اي مصلحة حتى لو غير حكومية

وعلشان زي ماتفقنا ان اللي يسال مايتوهش ياافندية
هانبدء معاكم من المرة الجاية بالسرافيس وارقامها وبتروح فين سواء رايحة او جاية