هرم ميدوم

مرشدكم السياحي يرحب بكم

انته يابني يالي في اخر الصف بلاش كلام وبعدين هلغي الرحلة مش عايز كلام اللي عنده سؤال يسال بلاش كلام مع اللي جنبك لو سمحت.

الطريق طويل وعلي يمينك صحراء وعلي شمالك صحراء ربنا يستر والعربية متعطلش بينا

زي ما انتم شايفين في اللوحة فات الكثير مش باقي الا القليل

الحمدلله وصلنا بالسلامة مرحبا بكم في هرم ميدو

الكل ينزل من العربية بالترتيب وبنظام

دلوقتي احنا في منطقة ميدوم وقصاد هرم ميدوم

حاضر هجاوب علي أسألتكم كلها بس الاول اعرفكم بعض المعلومات :

الاول انا عايز اعرفكم ان ملوك الفرعنة كانوا مهتمين ببناء الاهرامات كمقابر لهم لإعتقادهم في البعث والخلود مرة اخرى للحياة

يقال ان الملك سنفرو مؤسس الاسرة الرابعة هو الذي قام بأستكمال بناء الهرم والذي قام ببناءة الملك حوني مؤسس الاسرة الثالثة ولم يتم باستكمالة.

معنى كلمة سنفرو صانع الجمال تزوج سنفرو من حتپ حرس، التي يعتقد أنها كانت ابنة الفرعون السابق له، هوني. وحماه ربما يكون أيضاً والده حسب بعض المنظرين. وحسب تلك النظرية بإن حوني أنجب حتپ حرس من زوجة ملكية، بينما أنجب سنفرو من جارية. ولذلك فكان زواج سنفرو هو جوازه .

عصره كان يمتاز بسلام وازدهار الاقتصاد فيه حيث قام بارسال اسطول بحري مكون من 40 سفينة لاحضار أخشاب الأرز، "الصنوبر" من ميناء جبيل بلبنان وهى الأخشاب التى استعلمت وصنعت منها الأبواب وبعض الأجزاء الداخلية من أهرامات الملك سنفرو.

ايوة فعلا زي ما انت قلت الملك سنفرو ملهوش هرم واحد ده ليه هرمين تانين (الهرم الاحمر والهرم المائل)

اهم اعمال الملك سنفرو قبل منخش للهرم جوة ونتفرج عليه

أرسل أسطولا ضخما إلى فينيقيا لاستيراد خشب الأرز النادر لعدم وجود أخشاب جيدة في مصر ،كما عمل على تأمين حدود مصر الشرقية والجنوبية من الأعداء, شيد لنفسه هرمين بدهشور وهما الهرم الأحمر و الهرم المائل كما أنه اهتم باستخراج المعادن،مثل :النحاس والفيروز من سيناء.

دي فتحة الهرم اللي هنخش منها نزولا الى اسفل ودلوقتي يالو بينا نخش الهرم

انا حاسس اني هقع خلو بالكو وانتم طالعين وانتم نازلين

اه احنا كده بقى مش بنهرج اسمعوني يجماعة اي حد عنده القلب الضغط عنده مشاكل صحية ننصحه بعدم النزول معانا لان نسبة الاكسوجين قليلة تحت وكمان احنا هننزل تحت الارض والضغط الجوي منخفض ده غير ان الجو برد تحت وفي رطوبة وريحة مش هقولكو عليها .

معلش يابو حميد بقى خليك واحنا هنصورلك واتفرج انت بقى علي الصور المكان ضايق تحت علشان كده مش هننزل كلنا علي البركة يلا بينا

برجليكو اليمين وامسكوا في الخشب اللي علي جنب وبالراحة وانتم نزلين علشان محدش يقع

اخيراهاااااا هاااااواصلنا تحت (بنهج)

احنا نستريح هنا وبعد كده ابدا الكلام ..........................

انا اولا عايز اقولكم ان احنا نزلنا مايقرب من 90 مترا

زي ما انتم شايفين قدامكم السلم ده بيطلع لغرفة الدفن الخاصة والتي لم تستخدم.

المكان ضيق ومش عارف الف بسهولة

ايوة فعلا الغرفة دي مستخدمتش خالص لان هوني او حوني مات قبل ان يتم بناء الهرم وتم دفنه في دهشور لذلك غرفة الدفن الخاصة به فارغة هتقولو طبعا ليه سنفرو لما مات لم يدفن فيها هقولكم ليه .. لان ابنائه طوروا فكرة الهرم وقامو ببناء اهرامات اعظم من هرم الاب

هنا كان بيرقد جثمان المرحوم

سقف الغرفة

كده خلصنا جولتنا الحمدلله يلا بينا بقى بسرعة علشان ان امش قادر استحمل القعدة هنا انا بجد حاسس ان جالي ضيق تنفس

ياااااااااااااه طبعا مش هوصفلكم قد ايه فرحت لما شفت الممر والضوء اللي جي منه منظر حلوة اوي


يااااااااه اخيرا الشمس نجونا بحياتنا ماجمل الحياة والشمس المحرقة


وراء الاراضي دي قرية ميدوم

هنا مدافن للعمال الذين قاموا ببناء الهرم

وبكده اكون انتهيت من الكلام عن هرم ميدوم ايه حد عنده استفسار انا هسيبكم في جولة حرة في المنطقة لمدة 30 ساعة وبعد كده نروح علي العربية محدش يبعد عن المكان انتشرو .....

بالضغط هنا سوف يتم عرض خريطة لمداخل ومخارج المكان واماكن المصاطب وواحة ميدو